越南君主一覽 | 全國安養院資訊網

鴻龐氏時期嘅越南叫文郎國。鴻龐氏嘅雄王傳說...3,雄國王,高宗,上聖元朝王,麟,前2524年—前2253年...蜀朝嗰時嘅越南叫甌雒，相傳君主係古蜀國嘅王儲。

出自維基百科，自由嘅百科全書

 越南君主一覽（粵拼：jyut6 naam4 gwan1 zyu2 jat1 laam5） 收錄越南從傳疑時代（鴻龐氏同蜀朝）到近代（阮朝）嘅君主。君主名有第種寫法或僅提供參考譯名嘅會喺註釋標明。另外，要睇越南中、南部古國嘅君主，去占婆君主一覽。

關於越南史時代嘅劃分，有好多種，比如歷史學家陳重金將佢分成上古時代（鴻龐氏、蜀朝）、北屬時代（秦平百越到第三次北屬結束）、自主時代（吳朝到初黎朝）、南北紛爭時代（後黎朝、西山阮朝）、近今時代（阮朝）。由於可能會有爭議，一覽呢道就帶過下，唔作劃分。

鴻龐氏時期嘅越南叫文郎國。鴻龐氏嘅雄王傳說起源於14世紀嘅越南[註 1]。後黎朝君主黎聖宗為咗表明黎朝嘅獨尊地位以及同中國皇權嘅平等關繫，要有祭天同祭祖儀式。為咗解決民族起源呢個問題，佢好重視發掘民間敘事資源。洪德元年（1470年），翰林院直學士阮固寫成《雄圖十八葉聖王玉譜古傳》[註 2]，入邊記載咗十八雄王嘅生平，甚至連廟號同別號都有埋[1]。

史載每個雄王嘅統治時間跨度都幾大，明框無理由[2]；另外，雄王四世到十八世喺中文史籍都搵唔到名，下表嘅名係根據越南文畀出嘅參考譯名，未必係最準確，可以睇註釋。但係上述呢啲可能對研究雄王信仰有價值，所以一覽會列出來。